Aleksandr Býblık Ýımbldon týrnıriniń úshinshi aınalymyna shyqty

Qazaqstandyq tennısshi ekinshi aınalymda reıtıngide 139-oryndaǵy frantsııalyq Kırııan Jakemen betpe-bet keldi.

Bul qos tennısshiniń ózara alǵashqy kezdesýi edi. 

Býblık matchty sátti bastady – 6:3. 

Ekinshi sette frantsııalyq sportshy 4:1 esebimen alǵa ketkenimen, budan keıin Aleksandr qatarynan bes geımdi aldy – 6:4. 

Úshinshi partııada taı-breıkte Býblık tarazy basyn aýdara bildi – 7:6 (7:5).

Bir saǵat 49 mınýtqa sozylǵan básekede A.Býblık 15 eıspen birge 8 breık-poınttyń teń jartysyn óz esebine jazdy. Jake 8 eıs, 2 breıkpen (9 breık-poınt) kózge tústi.

Aleksandr Býblık tórtinshi aınalymǵa shyǵý úshin álemniń 19-raketkasy, amerıkalyq Frensıs Tıafo nemese reıtıngide 100-satydaǵy ulybrıtanııalyq ıAn Hoınskıdiń qaı jeńgenimen talasady. 

Ótken jyly qazaqstandyq tennısshi Ýımbldonda alǵashqy aınalymnan asa almaǵan edi. 

Eske sala keteıik, budan buryn Ýımbldon týrnırinde Anna Danılınanyń juptyq synda ıÝlııa Pýtıntsevany utqanyn jazǵan edik.

Sondaı-aq Elena Rybakına ortalyq kortta qarsylasyn oısyrata utty.