Aleksandr Býblık Ýımbldon týrnıriniń tórtinshi aınalymyna shyǵa almady
NUR-SULTAN. QazAqparat - Qazaqstannyń birinshi, álemniń 38-raketkasy Aleksandr Býblık Ýımbldon týrnıriniń tórtinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi úshinshi aınalymda álemniń 18-raketkasy, Polsha ókili Hýbert Gýrkachpen oınady.
Sportshylardyń ekeýi de 24 jasta. Buǵan deıin ótken jyly Dýbaıda A.Býblık 6:2, 7:5 esebimen utqan bolatyn.
Bul joly H.Gýrkach 6:3, 6:4, 6:2 esebimen jeńiske jetti.
Saǵat jarymǵa jýyq ýaqytqa sozylǵan matchta Býblık 10, qarsylasy 7 eıs jasady. Gýrkach 8 breık-poınttyń tórteýin paıdalandy. Býblıkte ondaı múmkindik bolǵan joq.
H.Gýrkach tórtinshi aınalymda álemniń ekinshi raketkasy, reseılik Danııl Medvedev nemese reıtıngte 37-satydaǵy horvatııalyq Marın Chılıchtiń bireýimen sheberlik baıqasady.
Osylaısha Ýımbldon dodasynda jekeleı synda Qazaqstannan Elena Rybakına ǵana qaldy.
Eske sala keteıik, budan buryn E.Rybakınanyń Ýımbldon týrnıriniń tórtinshi aınalymyna shyqqanyn, ıÝlııa Pýtıntsevanyń juptyq syndy jeńispen bastaǵanyn jazǵan bolatynbyz.
