Aleksandr Býblık tusaýyn kesken balaqaı tennıs dobyn tańdady
ASTANA. KAZINFORM — Astanada Devıs kýbogynyń Qazaqstan men Monako arasyndaǵy matchtyń jerebe tartý rásiminen keıin oıynshylar qazaq halqynyń salt-dástúrlerimen tanysty.
Іs-shara barysynda qos qurama kapıtandary quttyqtaý sózder aıtyp, al oıynshylar estelik syılyqtarmen almasty.
Tennısshiler úshin ulttyq oıyndar — asyq atý men láńgi tebý uıymdastyryldy. Onda meımandar tek baqylap qana qoımaı, ulttyq oıyndarda ózin synap kórip, Qazaqstannyń mádenı murasymen jaqyndasýǵa múmkindik aldy.
Qazaqstan quramasynyń kóshbasshysy Aleksandr Býblık qazaqtyń eń tanymal dástúrleriniń biri — tusaý kesýge qatysty.
Tennısshi Aıan Beıbitulynyń tusaýyn kesip, onyń qadamyna sáttilik tiledi. Sodan keıin táı-táı basqan balaqaı tennıs dobyn tańdady. Bul sát qatysýshylardyń dý qol shapalaqtaýyna ulasty.
Eske sala keteıik, budan buryn Zańǵar Nurlanulynyń tennıstegi eń bıik shyńdardy baǵyndyrǵysy keletini jóninde aıtqanyn jazǵan edik.
Aleksandr Býblıktiń Devıs kýbogyndaǵy alǵashqy qarsylasy belgili boldy.
Jas tennısshi Ámir Omarhanov Týnıstegi týrnırdiń shırek fınalyna shyqty.