Aleksandr Býblık túrli jarysta qatarynan onynshy ret jeńilis tapty

ASTANA. QazAqparat – Qazaqstannyń birinshi, álemniń 50-raketkasy Aleksandr Býblık Rotterdam (Nıderland) ATP 500 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi alǵashqy aınalymda «Úlken dýlyǵa» týrnıriniń úsh dúrkin jeńimpazy, qazirgi kezde reıtıngte 130-orynda turǵan shveıtsarııalyq Sten Vavrınkamen kezdesti.

Birinshi partııada taı-breıkte A.Býblık mınıbreık jasaǵanymen, sol basymdylyǵyn ustap tura almady – 6:7 (5:7).

Ekinshi sette qarsylasy 6:4 esebimen basym tústi.

Saǵat jarymnan astam ýaqytqa sozylǵan báseke barysynda A.Býblık 6 eıspen ǵana kózge tústi. S.Vavrınka 4 eıs jasap, 3 breık-poınttyń bireýin paıdalandy.

Osylaısha, A.Býblık túrli jarysta onynshy ret qatarynan jeńilis tapty. Ol ótken jyldyń qazan aıynan beri jeńiske jete almaı keledi.

Eske sala keteıik, budan buryn Elena Rybakınanyń álemdik reıtıngide onynshy ornyn saqtap qalǵanyn jazǵan bolatynbyz.

Bıyl álem tennısshileri arasynda eń kóp tabys tapqan kim ekendigi belgili boldy.

Qazaqstandyq tennısshi Frantsııada negizgi jarysqa joldama aldy.

Foto: Qazaqstan tennıs federatsııasy