Aleksandr Býblık Týrındegi týrnırde top jardy
ASTANA. KAZINFORM - Qazaqstannyń birinshi, álemniń 76-raketkasy Aleksandr Býblık Týrın (Italııa) chellendjer týrnıriniń chempıony atandy.
Qazaqstandyq tennısshi sońǵy básekede álemniń 73-raketkasy, qytaılyq Bý ıÝnchaoketemen chempıondyq ataqty sarapqa saldy.
Býblık 6:3, 6:3 esebimen jeńiske jetti.
Bir saǵat 14 mınýtqa sozylǵan matchta Býblık 6 eıspen birge 9 breık-poınttyń beseýin paıdalandy. Qytaılyq tennısshi 6 eıs, 2 breıkpen kózge tústi.
Osylaısha, Aleksandr Býblık óz sporttyq jolynda chellendjer jarystaryndaǵy jetinshi, topyraq tósenishindegi birinshi tıtýlyn jeńip aldy. Qazaqstandyq sportshy sondaı-aq ATP 250 týrnırinde úsh dúrkin, ATP 500 dodasynda bir ret chempıon atanǵan.
Aleksandr Býblık qazirgi kezde ATP Live reıtıngisinde 51-orynǵa kóterilip tur.
Eske sala keteıik, budan buryn Zarına Dııastyń Japonııadaǵy týrnırdiń chempıony atanǵanyn jazǵan bolatynbyz.