Aleksandr Býblık Shveıtsarııadaǵy týrnırdiń shırek fınalyna ótti
ASTANA. QazAqparat – Qazaqstannyń birinshi, álemniń 38-raketkasy Aleksandr Býblık Bazel (Shveıtsarııa) ATP 500 týrnıriniń shırek fınalyna ótti, dep habarlaıdy QazAqparat tilshisi.
Qazaqstandyq tennısshi ekinshi aınalymda reıtıngte ózinen eki saty tómen turǵan ıspanııalyq Alberto Ramospen sheberlik baıqasty.
A.Býblık bul básekede 6:3, 6:3 esebimen jeńiske jetti.
Bir saǵattan astam ýaqytqa sozylǵan match barysynda qazaqstandyq sportshy 10 eıs jasap, 8 breık-poınttyń úsheýin paıdalandy.
Aleksandr Býblık júlde qory 2,1 mln eýrodan asatyn iri jarystyń jartylaı fınalyna shyǵý úshin álemniń 9-raketkasy, kanadalyq Felıks Oje-Alıassım nemese reıtıngte 28-satydaǵy serbııalyq Mıomır Ketsmanovıchtiń bireýimen talasady.
Eske sala keteıik, budan buryn qazaqstandyq tennısshilerdiń Shveıtsarııadaǵy jarystyń shırek fınalyna shyqqanyn jazǵan bolatynbyz.
Sondaı-aq qazaqstandyq eki jas tennısshi álemdegi úzdik 100 oıynshynyń qataryna kirdi.
Foto: sports.kz
