Aleksandr Býblık Shanhaı týrnırinde ótken jylǵy kórsetkishin jaqsarta ala ma
ASTANA. KAZINFORM — 7-18 qazan aralyǵynda ótetin Shanhaı (Qytaı) ATR 1000 týrnıriniń jerebesi tartyldy.
Qazaqstannyń birinshi, álemniń 22-raketkasy Aleksandr Býblık jarysty ekinshi aınalymnan bastaıdy.
Qazaqstandyq sportshy álemniń 75-raketkasy, chehııalyq Tomash Mahach nemese reıtıngide 166-oryndaǵy qytaılyq Chjan Chjıchjenniń qaı jeńgenimen kezdesedi.
Atalmysh dodada álemniń 2-raketkasy, germanııalyq Aleksandr Zverev, sondaı-aq ony reıtıngide ókshelep kele jatqan ıspanııalyq Karlos Alkaras, amerıkalyq Ben Shelton syndy mańdaıaldy tennısshiler baq synaıdy.
Shanhaı jarysynyń júlde qory 9 mln 415,725 myń AQSh dollaryna baǵalanǵan.
Ótken jyly munda monakolyq Valanten Vashro jeńimpaz atanǵan edi. A.Býblık ekinshi aınalymda dál osy Vashroǵa ese jibergen bolatyn. Bıyl qazaqstandyq tennısshi 2025 jylǵy nátıjesin jaqsarta ala ma, ony aldaǵy oıyndar kórsetedi.
Eske sala keteıik, budan buryn Rybakınanyń jaraqatyna baılanysty Qytaıdaǵy týrnırge qatysýdan bas tartqanyn jazǵan edik.
Sondaı-aq Tımofeı Skatov Shanhaı masters týrnırin sátti bastady.
