Aleksandr Býblık Rotterdamda tájirıbeli tennısshige jol berdi

ASTANA. KAZINFORM - Qazaqstannyń birinshi, álemniń 23-raketkasy Aleksandr Býblık Rotterdam (Nıderland) ATP 500 týrnıriniń shırek fınalyna shyǵa almady.Jarystyń 8-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 309-orynda turǵan kanadalyq Mılosh Raonıchpen betpe-bet keldi.

M.Raonıch - reıtıngide tómen turǵanymen, kezinde úzdik úshtikke ilikken 33 jastaǵy tisqaqqan tennısshi.

Kanadalyq tennısshige jeńis úshin eki breık jasaý jetkilikti boldy - 6:4, 6:4. Ol sonymen qatar 12 eıske qol jetkizdi.

Al A.Býblık 4 eıs jasap, 3 breık-poıntty paıdalana almady.

Eske sala keteıik, budan buryn Mıhaıl Kýkýshkınniń Bahreındegi jarystyń shırek fınalyna shyqqanyn jazǵan bolatynbyz.