Aleksandr Býblık Rolan Garros týrnıriniń kelesi aınalymyna shyqty

PARIJ. KAZINFORM — Qazaqstannyń birinshi, álemniń 17-raketkasy Aleksandr Býblık Parıjde ótip jatqan Rolan Garros týrnıriniń ekinshi aınalymyna shyqty.

Qazaqstandyq tennısshi alǵashqy aınalymda dúnıejúzilik reıtıngide 112-orynda turǵan frantsııalyq Gregýar Barrermen betpe-bet keldi.

Býblık 6:4, 7:5, 6:3 esebimen úsh sette jeńiske jetti.

Eki saǵat 15 mınýtqa sozylǵan báseke barysynda ol 11 eıspen birge 16 breık-poınttyń jeteýin paıdalandy.

Barrer 2 eıs, 4 breıkpen (13 breık-poınt) kózge tústi.

Aleksandr Býblıktiń kelesi qarsylasy — álemniń 41-raketkasy, germanııalyq ıAn-Lennard Shtrýff.

Ol bastapqy kezdesýinde reıtıngide 144-satydaǵy argentınalyq Roman Andres Býrrýchagadan aılasyn asyrdy — 6:3, 6:2, 6:1.

Eske sala keteıik, budan buryn Elena Rybakınanyń Rolan Garros týrnırin jeńispen bastaǵanyn jazǵan bolatynbyz.

Sondaı-aq AQSh chempıonyn utqan Pýtıntseva ekinshi aınalymǵa ótti.