Aleksandr Býblık Rolan Garros týrnıriniń úshinshi aınalymyna ótti
NUR-SULTAN. QazAqparat – Qazaqstandyq Aleksandr Býblık juptyq synda Rolan Garros týrnıriniń úshinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi aýstralııalyq Tanası Kokkınakıspen birge ekinshi aınalymda majarstandyq Marton Fýchovıch – amerıkalyq Frensıs Tıafomen sheberlik baıqasty.
Qazaqstandyq-aýstralııalyq jup 6:4, 6:3 esebimen jeńiske jetti.
Bir saǵatqa jýyq ýaqytqa sozylǵan match barysynda Býblık pen Kokkınakıs 11 eıs jasap, 5 breık-poınttyń úsheýin paıdalandy.
A.Býblık pen T.Kokkınakıs Frantsııa ashyq chempıonatynyń shırek fınalyna shyǵý úshin horvatııalyq Ivan Dodıg – amerıkalyq Ostın Kraıchekpen talasady.
Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna shyqqanyn, qazaqstandyq jas tennısshi Rolan Garros týrnırin sátti bastaǵanyn jazǵan bolatynbyz.
Sondaı-aq qazaqstandyq jas tennısshiler Eýropadaǵy týrnırlerde jeńiske jetkenin habarladyq.
