Aleksandr Býblık Rolan Garros týrnırinde jeńilip qaldy
Qazaqstandyq tennısshi bastapqy kezdesýin irikteý saıysy jeńimpazdarynyń biri, dúnıejúzilik reıtıngte 129-orynda turǵan ıtalııalyq, 21 jastaǵy Djýlıo Dzepperımen ótkizdi.
Matchty sátsiz bastaǵan A.Býblık birinshi partııada birde-bir geımge qol jetkize alǵan joq – 0:6.
Esesine ekinshi sette 5:3 esebimen alǵa ketip, sosyn setke dop bergende, óz múmkindigin jibergen joq - 6:4.
Úshinshi partııada breık jasaǵan A.Býblık óz paıdasyna aıaqtaı bildi – 6:4.
Tórtinshi sette esep 4:3 bolǵan mezette ıtalııalyq tennısshi breık jasap ketti – 6:3
Besinshi, sheshýshi partııada esep 5:5 bolǵanda, Djýlıo Dzepperı taǵy da breıkke qol jetkizdi. Sodan keıin matchty jeńispen túıindedi – 7:5.
Úsh saǵat 17 mınýtqa sozylǵan tartysty báseke barysynda A.Býblık 17 eıs jasap, 10 breık-poınttyń úsheýin ǵana paıdalandy.
Qarsylasy 8 eıs, 6 breıkpen (14 breık-poınt) kózge tústi.
Italııalyq tennısshi ekinshi aınalymda álemniń 4-raketkasy, norvegııalyq Kasper Rýýdpen sheberlik baıqasady. Ol alǵashqy aınalymda reıtıngte 155-satydaǵy shvetsııalyq Elıas Imerdi 6:4, 6:3, 6:2 esebimen tize búktirdi.
Jýyrda Rım masters jarysynyń úshinshi aınalymynda A.Býblık norvegııalyq sportshyǵa 1:6, 6:4, 6:7 (0:7) esebimen ese jibergen edi.
Eske sala keteıik, budan buryn ıÝlııa Pýtıntsevanyń Rolan Garros týrnıriniń ekinshi aınalymyna shyqqanyn jazǵan bolatynbyz.
Sondaı-aq Rolan Garrostyń alǵashqy aınalymynda jeńiske jetken ıÝlııa Pýtıntsevadan suhbat alǵan edik.
