Aleksandr Býblık Rım masters týrnıriniń úshinshi aınalymyna shyqty
Qazaqstandyq tennısshi ekinshi aınalymda álemniń 35-raketkasy, 20 jastaǵy amerıkalyq Ben Sheltonmen sheberlik baıqasty.
Birinshi partııada breık jasap, Býblık 4:2 esebimen alǵa shyqty. Sosyn sol basymdylyǵyn saqtap qaldy - 6:4.
Ekinshi sette amerıkalyq tennısshi qos breık jasady - 6:1.
Úshinshi, sheshýshi partııada esep 3:2 bolǵan mezette Býblık breık jasaı bildi. Matchty taǵy bir breıkpen túıindedi - 6:2.
Eki saǵatqa jýyq ýaqytqa sozylǵan matchta A.Býblık 5 eıspen birge 10 breık-poınttyń úsheýin paıdalana aldy. Qarsylasy 11 eıs, 2 breıkpen kózge tústi.
Aleksandr Býblık tórtinshi aınalymǵa shyǵý úshin álemniń 4-raketkasy, norvegııalyq Kasper Rýýd nemese reıtıngte 89-satydaǵy frantsııalyq Artýr Rınderknehtiń bireýimen talasady.
Eske sala keteıik, budan buryn Aleksandr Býblıktiń Rım masters týrnırin sátti bastaǵanyn jazǵan bolatynbyz.
Sondaı-aq Qazaqstan jasóspirimderi tennısten álem chempıonatynyń irikteý týrnırinde 3-orynǵa talasady.
