Aleksandr Býblık rekordtyq kólemde tabys tapty

ASTANA. KAZINFORM — Qazaqstannyń birinshi, álemniń 11-raketkasy Aleksandr Býblık jyldy sátti qorytyndylady.

ATP resmı saıtynda qazaqstandyq tennısshiniń bıylǵy maýsymda qansha tabys tapqany jarııa etildi.

Býblık 2025 jyly 2 mln 905,991 AQSh dollary (1,5 mlrd teńge) kóleminde tabys tapqan. Bul – A.Býblık úshin rekordtyq kórsetkish.

Qazaqstandyq tennısshiniń sporttyq jolyndaǵy barlyq tabysy 10 mln 646,354 myń dollarǵa (5,5 mlrd) dollarǵa jetti.

A.Býblık ATP týrnırlerinde segiz tıtýl jeńip alsa, sonyń tórteýi bıylǵy jyldyń úlesine tıedi.

Sonymen qatar Aleksandr Býblık álemdik reıtıngide 11-ornyn saqtap qaldy. Bul da ol úshin úzdik nátıje bolyp esepteledi.

Erler arasynda 2025 jyly tabys tabý jóninen álemniń 2-raketkasy, «Úlken dýlyǵa» týrnıriniń tórt dúrkin chempıony, ıtalııalyq ıAnnık Sınner 19 mln 120,641 myń AQSh dollarymen kósh bastap tur.

Álemniń 1-raketkasy, «Úlken dýlyǵa» jarysynda alty ret úzdik shyqqan ıspanııalyq Karlos Alkaras (18 mln 803, 427 myń dollar) ekinshi, germanııalyq Aleksandr Zverev (6 mln 060,174 myń dollar) úshinshi satyda.

Eske sala keteıik, budan buryn jyldyń qorytyndy týrnırin utqan ıtalııalyq tennısshiniń biregeı nátıjege qol jetkizgenin jazǵan edik.

Sondaı-aq Novak Djokovıch rekord ornatty.