Aleksandr Býblık Nıderlandtaǵy jarystyń ekinshi aınalymyna shyqty

ASTANA. QazAqparat – Qazaqstannyń birinshi, álemniń 47-raketkasy Aleksandr Býblık Hertogenbos (Nıderland) ATP 250 týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 126-orynda turǵan belgııalyq Davıd Goffenmen ótkizdi.

Aleksandr Býblık 7:5, 7:5 esebimen jeńiske jetti.

Bir jarym saǵattan astam ýaqytqa sozylǵan matchta A. Býblık 8 eıs jasap, 8 breık-poınttyń teń jartysyn paıdalana bildi. Qarsylasy 1 eıs, 2 breıkpen (5 breık-poınt) kózge tústi.

Aleksandr Býblık ekinshi aınalymda álemniń 9-shy, osy jarystyń 2-raketkasy, ıtalııalyq ıAnnık Sınnermen sheberlik baıqasady.

Eske sala keteıik, budan buryn Beıbit Juqaevtyń Pýerto-Rıkodaǵy týrnırdi jeńispen bastaǵanyn jazǵan bolatynbyz.

Sondaı-aq, Qazaqstannyń jas tennısshileri Qyrǵyzstandaǵy týrnırde úzdik shyqty.