Aleksandr Býblık Monpelede chempıondyq ataǵyn qorǵaı alady ma

ASTANA. KAZINFORM — Qazaqstannyń birinshi, álemniń 39-raketkasy Aleksandr Býblık Monpele (Frantsııa) ATP 250 týrnırinde chempıondyq ataǵyn qorǵaıdy.

Qazirgi kezde irikteý saıystary ótip jatqan atalmysh jarysta A.Býblık 2024 jyly úzdik shyqqan edi.

Bıyl chempıondyq ataǵyna qosa 250 reıtıngilik upaıyn qorǵaýy tıis. Jarystyń 4-raketkasy bolyp tirkelgen qazaqstandyq tennısshi ekinshi aınalymda reıtıngide 118-orynda turǵan germanııalyq Domınık Kepfer nemese 144-satydaǵy frantsııalyq Gregýar Barrerdiń qaı jeńgenimen kezdesedi. 

Jyldy sátsiz bastap, Aýstralııa ashyq chempıonatynyń alǵashqy aınalymynda-aq argentınalyq Fransısko Serýndolodan utylyp qalǵan A.Býblıktiń qazirgi tańdaǵy oıyny qojyrap ketkendeı. 
Búgin jańartylǵan ATP reıtıngisinde Býblık 37-den 39-orynǵa túsip qaldy. Eger Monpelede sátsizdik jalǵassa, reıtıngide odan saıyn quldyraýy yqtımal.

Frantsııadaǵy jarysta sondaı-aq álemniń 112-raketkasy Mıhaıl Kýkýshkın baq synaıdy. Ol alǵashqy aınalymda irikteý saıysy jeńimpazdarynyń birimen sheberlik baıqasady.
Monpele týrnıri 2 sáýirde máresine jetedi.

Eske sala keteıik, budan buryn Aýstralııa chempıonatynda ıtalııalyq tennısshiniń ekinshi jyl qatarynan jeńimpaz atanǵanyn jazǵan bolatynbyz.

Sondaı-aq álemdik reıtıngide Pýtıntsevanyń kezekti rekordy tirkelip, Rybakına 5-orynda tur.