Aleksandr Býblık Monpele týrnıriniń shırek fınalyna joldama aldy

ASTANA. KAZINFORM – Qazaqstannyń birinshi, álemniń 39-raketkasy Aleksandr Býblık Monpele (Frantsııa) ATP 250 týrnıriniń shırek fınalyna shyqty.

Jarystyń 4-raketkasy bolyp tirkelgen qazaqstandyq tennısshi dodany ekinshi aınalymnan bastady.

Dúnıejúzilik reıtıngide 118-orynda turǵan germanııalyq Domınık Kepfermen kezdesýde birinshi partııa 6:4 esebimen Býblıktiń paıdasyna sheshildi. Qazaqstandyq tennısshi ekinshi sette de qarqynyn joǵaltqan joq – 6:2. Osylaısha, ótken jyly 28 qazannan beri jeńiske jetpegen A.Býblık sol sátsizdik serııasyn toqtatty.

Býblık jartylaı fınalǵa shyǵý úshin álemniń 98-raketkasy, ıtalııalyq Mattııa Bellýchchı nemese reıtıngide 102-satydaǵy amerıkalyq Aleksandr Kovachevıchtiń qaı jeńgenimen talasady.

Taǵy bir qazaqstandyq, álemniń 112-raketkasy Mıhaıl Kýkýshkın alǵashqy aınalymda reıtıngide 178-satydaǵy grýzııalyq Nıkoloz Basılashvılıge jol berdi – 3:6, 6:3, 0:5. Úshinshi partııada M.Kýkýshkın matchty jalǵastyrýdan bas tartty.

Ótken jyly Monpelede A.Býblık úzdik shyqqan edi. Bıyl sol ataǵy men reıtıngilik upaıyn qorǵaýy tıis. 

Eske sala keteıik, budan buryn Qazaqstan kapıtanynyń Pákistanmen matchqa jeńis úshin shyǵatyny týraly aıtqanyn jazǵan bolatynbyz.