Aleksandr Býblık Maıamı masters týrnırinde reıtıngisi joǵary tennısshini utty

ASTANA. KAZINFORM — Qazaqstannyń birinshi, álemniń 80-raketkasy Aleksandr Býblık Maıamı (AQSh) masters týrnıriniń ekinshi aınalymyna ótti.

Qazaqstandyq tennısshi bastapqy kezdesýin álemniń 36-raketkasy, argentınalyq Sebastıan Baespen ótkizdi.

Qarsylasynyń ATP reıtıngisinde joǵary turǵanyna qaramastan, Býblık sátti oınaı bildi — 6:3, 6:4.

Bir saǵat 10 mınýtqa sozylǵan báseke barysynda Aleksandr Býblık 8 eıspen birge 6 breık-poınttyń teń jartysyn paıdalandy. Sebastıan Baes birde-bir eıs jasaı almaı, 3 breık-poınttyń bireýin ǵana óz esebine jazdy.

Aleksandr Býblık úshinshi aınalymǵa shyǵý úshin álemniń 13-raketkasy, amerıkalyq Tommı Polmen sheberlik talastyrady.

Osy aıdyń 30-ynda aıaqtalatyn Maıamı masters týrnıriniń júlde qory 9 mln AQSh dollarynan asady.

Ótken jyly Aleksandr Býblık ekinshi aınalymnan asa almaǵan edi.

Eske sala keteıik, budan buryn Dmıtrıı Popkonyń Meksıkadaǵy týrnırdiń ekinshi aınalymyna shyqqanyn jazǵan bolatynbyz.