Aleksandr Býblık Marsel týrnıriniń shırek fınalyna shyqty

ASTANA. QazAqparat – Qazaqstannyń birinshi, álemniń 50-raketkasy Aleksandr Býblık Marsel (Frantsııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 58-raketkasy, frantsııalyq Gregýar Barrermen sheberlik baıqasty.

Jýyrda Monpele jarysynda A.Býblık dál osy G.Barrerden tartysty matchta 4:6, 7:6 (14:12), 6:7 (3:7) esebimen utylyp qalǵan edi.

Bul joly qazaqstandyq sportshy 6:4, 6:2 esebimen ese qaıyrdy.

Bir saǵattan astam ýaqytqa sozylǵan báseke barysynda A.Býblık 7 eıspen birge 4 breık-poınttyń úsheýin óz esebine jazdy. Aleksandr Býblık jartylaı fınalǵa shyǵý úshin álemniń 25-raketkasy, bolgarııalyq Grıgor Dımıtrov nemese reıtıngte 116-orynda turǵan nıderlandtyq Gııs Brýverdiń bireýimen talasady.

Eske sala keteıik, budan buryn Elena Rybakınanyń Dýbaı jarysynyń úshinshi aınalymyna ótkenin jazǵan bolatynbyz.

Sondaı-aq Elena Rybakına Dýbaıda jaraqatyna baılanysty jarys jolynan shyǵyp qaldy.

Alǵash ret múgedek arbasyndaǵy tennısten el kýbogi ótedi.