Aleksandr Býblık Marsel týrnırin jeńispen bastady

ASTANA. QazAqparat – Qazaqstannyń birinshi, álemniń 50-raketkasy Aleksandr Býblık Marsel (Frantsııa) ATP 250 týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi alǵashqy aınalymda álemniń 67-raketkasy, serbııalyq Fılıp Kraınovıchpen kezdesti.

Osyǵan deıin A.Býblık ótken jyldyń qazan aıynan beri túrli jarysta on ret qatarynan jeńilis tapqan edi.

Bul joly birinshi partııada serbııalyq tennısshi sáttirek oınady – 7:5.

Esesine ekinshisinde breık jasaǵan A.Býblık qarymta qaıyrdy – 6:3.

Qazaqstandyq sportshy úshinshi, sheshýshi setti qos breıkpen bastady – 3:0. Budan keıin serbııalyq sportshy breık jasap, esepti qysqartty. Degenmen qazaqstandyq tennısshi matchty eıspen túıindedi – 6:4.

Eki saǵat 7 mınýtqa sozylǵan tartysty báseke barysynda Aleksandr Býblık 18 eıs jasap, 5 breık-poınttyń tórteýin paıdalandy. Qarsylasy 4 eıs, 3 breıkpen (9 breık-poınt) kózge tústi.

A.Býblık shırek fınalǵa shyǵý úshin álemniń 48-raketkasy, shveıtsarııalyq Mark-Andrea Hýsler nemese reıtıngte 58-oryndaǵy frantsııalyq Gregýar Barrerdiń bireýimen talasady. Qazaqstandyq tennısshi Monpele jarysynda dál osy G.Barrerden jeńilip qalǵan bolatyn.

Eske sala keteıik, budan buryn Elena Rybakınanyń juptyq synda Dýbaı týrnırin sátti bastaǵanyn jazǵan bolatynbyz.

Sondaı-aq qazaqstandyq tennısshilerdiń álemdik reıtıngtegi oryndary belgili boldy.

Qazaqstandyq jas tennısshi Pákstandaǵy týrnırde chempıon atandy.

ıÝlııa Pýtıntseva Dýbaı týrnıriniń ekinshi aınalymyna shyqty.