Aleksandr Býblık Madrıdte álemniń jetinshi raketkasyna ese jiberdi

ASTANA. QazAqparat – Qazaqstannyń birinshi, álemniń 55-raketkasy Aleksandr Býblık Madrıd ATP 1000 týrnıriniń úshinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 7-raketkasy, 19 jastaǵy danııalyq Holger Rýnemen sheberlik baıqasty.

Osyǵan deıin qarsylastar bir-aq ret kezdesip, onda A.Býblık jeńgen edi.

Bul joly birinshi partııada danııalyq sportshy aıqyn basymdylyq tanytty – 6:1.

Ekinshi sette A.Býblık ese qaıyrdy – 6:4.

Úshinshi, sheshýshi partııada danııalyq tennısshi taı-breıkte jeńisti julyp aldy – 7:6 (11:9).

Eki saǵattan astam ýaqytqa sozylǵan tartysty match barysynda A.Býblık 14 eıs jasap, 2 breık-poıntty túgel paıdalandy. Qarsylasy 6 eıs, 4 breıkpen kózge tústi.

H.Rýne úshinshi aınalymda álemniń 35-raketkasy, ıspanııalyq Alehandro Davıdovıch Fokınamen oınaıdy.

Eske sala keteıik, budan buryn ıÝlııa Pýtıntsevanyń álemniń 5-raketkasyna jol bergenin jazǵan bolatynbyz.

Sondaı-aq Sergeı Kvak álem chempıonatyna joldama alý úshin baryn salatynyn aıtty.

Elena Rybakına Madrıd masters týrnıriniń úshinshi aınalymyna shyǵa almady.

Qazaqstandyq tennısshi Rımdegi týrnırdiń fınalyna shyqty.