Aleksandr Býblık Madrıd masters týrnırinde ekinshi jeńisine qol jetkizdi

ASTANA. KAZINFORM — Qazaqstannyń birinshi, álemniń 75-raketkasy Aleksandr Býblık Madrıd masters týrnıriniń úshinshi aınalymyna shyqty.

Qazaqstandyq tennısshi ekinshi aınalymda álemniń 26-raketkasy, aýstralııalyq Alekseı Popyrınnen aılasyn asyrdy.

Birinshi partııada 6:4 esebi tirkeldi. Ekinshi sette Popyrın 3:0 esebimen alǵa ketti. Soǵan qaramastan, Býblık tarazy basyn teńestirip, taı-breıkte matchtyń núktesin qoıdy – 7:6 (7:4).

Bir saǵat 50 mınýtqa sozylǵan báseke barysynda Býblık 10 eıspen birge 7 breık-poınttyń ekeýin óz esebine jazdy. Aýstralııalyq sportshy 7 eıs, 1 breıkten (6 breık-poınt) asa almady.

Aleksandr Býblık tórtinshi aınalymǵa shyǵý úshin álemniń 8-raketkasy, reseılik Andreı Rýblev nemese reıtıngide 42-oryndaǵy frantsııalyq Gael Monfıstiń qaı jeńgenimen talasady.

Taǵy bir qazaqstandyq, reıtıngide 988-satydaǵy 17 jastaǵy Ámir Omarhanov Shymkent ITF M15 týrnıriniń shırek fınalynda álemniń 884-raketkasy, Polsha ókili ıAsha Shaırıhqa jol berdi – 6:7 (2:7), 2:6. 

Ámirdiń bul oıyny da tartysty bolyp, eki saǵattan astam ýaqytqa sozyldy.

Eske sala keteıik, budan buryn 17 jastaǵy Ámir Omarhanovtyń Shymkenttegi týrnırdiń shırek fınalyna shyqqanyn jazǵan bolatynbyz.

Sondaı-aq Aqtaýda arbadaǵy tennısten Qazaqstan kýbogynyń jeńimpazdary anyqtaldy.