Aleksandr Býblık Madrıd masters týrnıriniń ekinshi aınalymyna shyqty

ASTANA. QazAqparat - Qazaqstannyń birinshi, álemniń 55-raketkasy Aleksandr Býblık Madrıd masters týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 100-orynda turǵan kolýmbııalyq Danıel Elaı Galanmen ótkizdi.

Birinshi partııa bir saǵattan astam ýaqytqa sozylyp, onda A. Býblık besinshi setbolyn paıdalana aldy - 7:6 (17:15).

Ekinshi sette kolýmbııalyq sportshy taı-breıkte ese qaıyrdy - 7:6 (7:4).

Úshinshi, sheshýshi partııada A. Býblık jeńisti julyp aldy - 6:4.

Úsh saǵatqa jýyq ýaqytqa sozylǵan matchta A. Býblık 17 eıspen birge 3 breık-poınttyń ekeýin óz esebine jazdy. Qarsylasy 5 eıs, 1 breıkpen (5 breık-poınt) kózge tústi.

Aleksandr Býblık ekinshi aınalymda álemniń 7-raketkasy, danııalyq Holger Rýnemen kezdesedi.

Eske sala keteıik, budan buryn ıÝlııa Pýtıntsevanyń Madrıd masters týrnırin sátti bastaǵanyn jazǵan bolatynbyz.