Aleksandr Býblık London týrnıriniń ekinshi aınalymyna shyqty

NUR-SULTAN. QazAqparat – Qazaqstannyń birinshi, álemniń 37-raketkasy Aleksandr Býblık London ATP 500 týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 74-orynda turǵan ıtalııalyq Lorentso Mýzettımen ótkizdi.

Birinshi partııada A.Býblık basymdylyq tanytty – 6:3.

Ekinshi set bastalar aldynda ıtalııalyq sportshy matchty jalǵastyrýdan bas tartyp, kortqa shyqpaı qaldy.

Nebári 35 mınýtqa sozylǵan básekede A.Býblık 7 eıs jasap, úsh breık-poınttyń bireýin paıdalanyp úlgerdi.

Qazaqstandyq sportshy ekinshi aınalymda horvatııalyq Marın Chılıch nemese ulybrıtanııalyq Lıam Broedıdiń bireýimen sheberlik baıqasady.

Júlde qory 2,1 mln eýrodan asatyn London dodasy 19 maýsymda márege jetedi. Ótken jyly munda ıtalııalyq Matteo Berrettını chempıon atanǵan edi.

Eske sala keteıik, budan buryn Qazaqstannyń birinshi raketkasynyń álemdik reıtıngide 37-orynǵa kóterilgenin, qazaqstandyq jas tennısshiniń Grýzııadaǵy jarystyń absolıýtti jeńimpazy atanǵanyn jazǵan bolatynbyz.

Sondaı-aq Jibek Qulambaeva álemdik reıtıngide jeke rekordyna qol jetkizdi.