Aleksandr Býblık Qytaıdaǵy jarysta qarsylasyn kambekpen tize búktirdi

ASTANA. KAZINFORM — Qazaqstannyń birinshi, álemniń 19-raketkasy Hanchjoý (Qytaı) ATP 250 týrnıriniń shırek fınalyna ótti.

Jarystyń 3-raketkasy bolyp tirkelgendikten, Býblık birden ekinshi aınalymnan bastady.
A.Býblık dúnıejúzilik reıtıngide 93-orynda turǵan aýstralııalyq Aleksandar Výkıchpen kortqa shyqty.

Birinshi partııada taı-breıkte Výkıch sátti oınady — 7:6 (8:6).

Budan keıin Býblık kambek jasap, matchty jeńispen túıindedi — 6:4, 6:4.

Eki saǵat 15 mınýtta aıaqtalǵan tartysty básekede qazaqstandyq sportshy eıs sanyn 24-ke jetkizip, 10 breık-poınttyń ekeýin óz esebine jazdy. Výkıch 14 eıspen shekteldi.

Aleksandr Býblık jartylaı fınalǵa shyǵý úshin reıtıngide 99-satydaǵy Dalıbor Svrchınamen talasady. Ol reıtıngide 192-oryndaǵy qytaılyq Chjan Chjıchjennen aılasyn asyrdy — 6:4, 6:3.

Eske sala keteıik, budan buryn Aleksandr Shevchenkonyń Qytaıdaǵy týrnırdiń shırek fınalyna joldama alǵanyn jazǵan edik.