Aleksandr Býblık qazaqstandyq tennısshilerdiń jeńisti jolyn jalǵastyrdy
NUR-SULTAN. QazAqparat – Qazaqstannyń birinshi, álemniń 55-raketkasy Aleksandr Býblık Doha (Katar) ATP týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq sportshy birinshi kezdesýin osy jarystyń 7-raketkasy bolyp tirkelgen, reıtıngte 43-orynda turǵan frantsııalyq Adrıan Mannarınomen ótkizdi.
A.Býblık birinshi sette 6:3 esebimen jeńiske jetti.
Ekinshi partııada qazaqstandyq sportshy 2:0 esebimen alǵa shyqty. Degenmen Mannarıno qaıyra breık jasap, esepti teńestire aldy. Biraq A.Býblık taǵy bir breıkke qol jetkizip, matchty jeńispen aıaqtady – 6:4.
Báseke 1 saǵat 10 mınýtqa sozyldy.
Osylaısha Aleksandr qazaqstandyq tennısshilerdiń jańa jyldaǵy jeńisti jolyn jalǵastyrdy.
A.Býblık júlde qory 1,5 mln AQSh dollaryna jýyqtaıtyn jarystyń ekinshi aınalymynda álemniń 58-raketkasy, slovenııalyq Alıaj Bedene nemese reıtıngte 76-oryndaǵy shvetsııalyq Mıkael Imerdiń bireýimen kezdesedi.
Taǵy bir qazaqstandyq, álemniń 66-raketkasy Mıhaıl Kýkýshkın Dohada erteń reıtıngte 229-oryndaǵy Týnıs eliniń ókili Malık Jazırımen sheberlik baıqasady.
Eske sala keteıik, budan buryn Zarına Dııastyń Gonkongta jeńimpaz atanyp, ıÝlııa Pýtıntsevanyń Brısbende negizgi týrnırge joldama alǵanyn, al Elena Rybakınanyń Qytaıdaǵy týrnırdiń ekinshi aınalymyna shyqqanyn jazǵan bolatynbyz.
