Aleksandr Býblık Hall of Fame Open týrnıriniń jartylaı fınalynda jeńilip qaldy
NUR-SULTAN. QazAqparat - Qazaqstannyń birinshi, álemniń 38-raketkasy Aleksandr Býblık Nıýport qalasynda ótip jatqan tennıs týrnıriniń jartylaı fınalynda utylyp qaldy, dep habarlaıdy QazAqparat.
Bul jaıynda Qazaqstan tennıs federatsııasy resmı málimet taratty.
Qazaqstandyq sportshy jartylaı fınalda Ońtústik Afrıka Respýblıkasynan kelgen Kevın Andersonǵa 6:4, 6:7(3), 5:7 esebimen jol berdi.
Match 2 saǵat 43 mınýtqa sozyldy.
Osy aralyqta Aleksandr 15 eıs jáne úsh breık jasady. Biraq dop beretin kezde toǵyz márte qatelesti.
Al Kevınniń bergen doby 20 márte tesip ótti jáne ol úsh breık-poınt jasady. Sondaı-aq tórt márte qos-qostan qate jiberdi.
Aıta keteıik, tennısshiler buǵan deıin kezdespegen.
Esterińizge sala keteıik, biz buǵan deıin Qazaqstannyń birinshi raketkasy Aleksandr Býblıktiń Ýımbldon týrnıriniń tórtinshi aınalymyna shyǵa almaǵanyn jazǵan bolatynbyz.
