Aleksandr Býblık Germanııadaǵy jarystyń jartylaı fınalyna shyqty

ASTANA. QazAqparat - Qazaqstannyń birinshi, álemniń 48-raketkasy Aleksandr Býblık Galle (Germanııa) ATP 500 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda álemniń 9-raketkasy, ıtalııalyq, 21 jastaǵy ıAnnık Sınnermen sheberlik baıqasty.

Osyǵan deıin qarsylastar ózara tórt kezdesip, sonyń bárinde ıtalııalyq sportshy jeńiske jetken edi.

Jýyrda Nıderlandtaǵy Hertogenbos jarysynda ıA.Sınner A.Býblıkti 6:4, 6:2 esebimen utqan bolatyn.

Bul joly birinshi partııada qazaqstandyq tennısshi 7:5 esebimen basym tústi.

Ekinshi sette 2:0 esebimen Býblık jeńip jatqan kezde Sınner matchty jalǵastyrýdan bas tartty.

Bar-joǵy 52 mınýtqa sozylǵan básekede Býblık 6 eıspen birge 3 breık-poıntty paıdalanyp úlgerdi. Sınner 2 eıs, 1 breıkten asa almady.

Aleksandr Býblık fınalǵa shyǵý úshin álemniń 22-raketkasy, germanııalyq Aleksandr Zverev nemese reıtıngte 28-oryndaǵy chılılik Nıkolas Harrıdiń bireýimen talasady.

Eske sala keteıik, budan Aleksandr Býblıktiń Germanııadaǵy jarystyń shırek fınalyna shyqqanyn jazǵan bolatynbyz.

Al Aleksandr Nedovesov Ulybrıtanııadaǵy týrnırdiń fınalyna ótti.