Aleksandr Býblık Germanııadaǵy jarystyń shırek fınalyna shyqty

ASTANA. QazAqparat - Qazaqstannyń birinshi, álemniń 48-raketkasy Aleksandr Býblık Galle (Germanııa) ATP 500 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 21-raketkasy, germanııalyq ıAn-Lennard Shtrýfpen sheberlik baıqasty.

Birinshi partııada A.Býblık 6:3 esebimen basymdylyq tanytty.

Ekinshisinde germanııalyq sportshy taı-breıkte ese qaıyrdy - 7:6 (7:4).

Úshinshi, sheshýshi sette qazaqstandyq tennısshi jeńisti julyp aldy - 6:3.

Eki saǵat 14 mınýtqa sozylǵan kezdesýde Býblık 23 eıs jasap, 14 breık-poınttyń tórteýin paıdalana bildi. Qarsylasy 14 eıs, 2 breıkpen kózge tústi.

Aleksandr Býblık jartylaı fınalǵa shyǵý úshin álemniń 9-raketkasy, ıtalııalyq ıAnnık Sınnermen talasady.

Ol ekinshi aınalymda otandasy Lorentso Sonegony súrindirdi - 6:7 (4:7), 6:4, 6:4.

Eske sala keteıik, budan buryn Anna Danılınanyń juptyq synda Berlın týrnıriniń shırek fınalyna ótkenin jazǵan bolatynbyz.