Aleksandr Býblık Germanııadaǵy týrnırdiń fınalyna shyqqany týraly: Men óte baqyttymyn

ASTANA. QazAqparat – Qazaqstannyń birinshi, álemniń 48-raketkasy Aleksandr Býblık Galle (Germanııa) ATP 500 jarysynyń fınalyna shyqqannan keıin óz pikirin bildirdi, dep habarlaıdy QazAqparat tilshisi.

Jartylaı fınalda germanııalyq Aleksandr Zverevti utqan A.Býblık sporttyq jolynda eń iri ATP týrnıriniń fınalyna ótti.

«Jumys áli bitken joq, bir ǵana fınaldyq match qaldy. Men óte baqyttymyn, degenmen jınaqy bolýǵa tyrysamyn. Men bul kezdesýde óz oıynymdy kórsettim, sondyqtan jeńiske jetkenime qýanyshtymyn. Sashamen (Zverevpen) oınaý qashanda kúrdeli, sondyqtan keıbir tustarda sáttilik meniń jaǵymda boldy. Sasha sııaqty sheber oıynshylarmen kezdesken sátte bárine daıyn bolý kerek», dedi A.Býblık.

Qazaqstandyq tennısshi sońǵy básekede álemniń 7-raketkasy, reseılik Andreı Rýblevpen sheberlik baıqasady. Ol reıtıngte 23-oryndaǵy ıspanııalyq Roberto Baýtısta-Agýtty 6:3, 6:4 esebimen tize búktirdi.

A.Býblık buǵan deıin 2022 jyly Monpele ATP 250 dodasynda chempıon atanǵan bolatyn. Onda A.Zverevti 6:4, 6:3 esebimen jeńgen edi.

Eske sala keteıik, budan buryn Aleksandr Nedovesovtiń Ulybrıtanııadaǵy jarystyń jeńimpazy atanǵanyn jazǵan bolatynbyz.

Sondaı-aq Aleksandr Býblık Germanııadaǵy jarystyń fınalyna shyqty.