Aleksandr Býblık Germanııada eki jyl buryn chempıon atanǵan jarysta oınaıdy

ASTANA. KAZINFORM – 16-22 maýsym aralyǵynda ótetin Galle (Germanııa) ATP 500 týrnırinde tennısshilerdiń qarsylastary anyqtaldy.

Qazaqstannyń birinshi, álemniń 43-raketkasy Aleksandr Býblık alǵashqy aınalymda reıtıngide ózinen úsh saty joǵary turǵan frantsııalyq Aleksandr Mıýllermen kezdesedi. 

Qazaqstandyq tennısshi A.Mıýllerdi jeńse, álemniń 1-raketkasy, ıtalııalyq ıAnnık Sınnerge tap kelýi yqtımal.

A.Býblık osynyń aldynda alǵash ret Rolan Garros týrnıriniń shırek fınalyna deıin jetip, onda ıA.Sınnerge jol bergen edi.

A.Býblıktiń sporttyq jolyndaǵy eń iri tabysy Gallemen baılanysty. Ol 2023 jyly fınalda reseılik Andreı Rýblevti 6:3, 3:6, 6:3 esebimen utyp, chempıon atanǵan edi.

Qazaqstandyq tennısshi Londonda osy merzimde ótetin ATP 500 jarysyna arnaıy shaqyrtý alǵan edi. Alaıda keıin Býblık Gallede óner kórsetýdi qup kórdi. Munda ol chılılik Alehandro Tabılony almastyrady. 

Ótken jyly Gallede fınalda Polsha ókili Hýbert Hýrkachty tize búktirgen ıAnnık Sınner jeńimpaz atanǵan edi. Bıyl ol chempıondyq ataǵyn qorǵaıdy.

Eske sala keteıik, budan buryn Aleksandr Býblıktiń qarjy emes, nátıje mańyzdy ekendigi týraly aıtqanyn jazǵan bolatynbyz.

Sondaı-aq Elena Rybakınanyń Berlın týrnırinde álemniń 5-raketkasymen sheberlik baıqasatyny belgili boldy.