Aleksandr Býblık Frantsııadaǵy týrnırdiń shırek fınalyna shyqty
ASTANA. QazAqparat - Qazaqstannyń birinshi, álemniń 55-raketkasy Aleksandr Býblık Frantsııada Eks-an-Provans chellendjer týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekinshi aınalymda dúnıejúzilik reıtıngte 114-orynda turǵan fınlıandııalyq Otto Vırtanenmen sheberlik baıqasty.
Birinshi partııada fınlıandııalyq sportshy 2:0 esebimen alǵa shyqty. Degenmen A.Býblık oıyn tizginin qolyna ala bildi - 6:4.
Ekinshi sette de dál sondaı esep tirkeldi - 6:4.
Bir saǵattan astam ýaqytqa sozylǵan matchta A.Býblık 3 eıs jasap, 9 breık-poınttyń beseýin paıdalana bildi. Qarsylasy 4 eıs, 3 breıkpen (9 breık-poınt) kózge tústi.
A.Býblık jartylaı fınalǵa shyǵý reıtıngte 241-satydaǵy frantsııalyq Garold Maıomen talasady.
Eske sala keteıik, budan buryn Aleksandr Býblıktiń Frantsııadaǵy týrnırdiń ekinshi aınalymyna shyqqanyn jazǵan bolatynbyz.
Sondaı-aq Qazaqstan jasóspirimderi irikteý týrnıriniń 1/2 fınalyna shyqty.
