Aleksandr Býblık Frantsııadaǵy týrnırdiń shırek fınalyna shyqty
ASTANA. QazAqparat - Qazaqstannyń birinshi, álemniń 44-raketkasy Aleksandr Býblık Metts (Frantsııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
Jarystyń jetinshi raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 51-orynda turǵan fınlıandııalyq Emıl Rýýsývýorımen kezdesti.
Birinshi partııada taı-breıkte fın tennısshisi basym tústi - 7:6 (7:4).
Ekinshisinde Býblık ese qaıyrdy - 6:4.
Úshinshi, sheshýshi sette qazaqstandyq tennısshi 3:1 esebimen alǵa shyqty. Aqyry matchty jeńispen támamdady - 6:3.
Eki saǵat 14 mınýtqa sozylǵan báseke barysynda Býblık 13 eıs jasap, 5 breık-poınttyń tórteýin paıdalana bildi.
A.Býblık jartylaı fınalǵa shyǵý úshin álemniń 31-raketkasy, danııalyq Holger Rýne nemese reıtıngte 61-satydaǵy frantsııalyq Bendjamın Bonzıdiń bireýimen talasady.
Eske sala keteıik, budan buryn Aleksandr Býblıktiń Frantsııadaǵy týrnırdi jeńispen bastaǵanyn jazǵan bolatynbyz.
Sondaı-aq qazaqstandyq tennısshi Portýgalııadaǵy jarystyń shırek fınalyna shyqty.
Foto: ktf.kz
