Aleksandr Býblık Frantsııadaǵy týrnırdiń fınalynda jeńilip qaldy
ASTANA. QazAqparat - Qazaqstannyń birinshi, álemniń 44-raketkasy Aleksandr Býblık Metts (Frantsııa) ATP 250 týrnıriniń fınalynda jeńilip qaldy, dep habarlaıdy QazAqparat tilshisi.
Qazaqstandyq tennısshi sońǵy básekede álemniń 65-raketkasy, ıtalııalyq Lorentso Sonegomen sheberlik baıqasty.
Birinshi partııada taı-breıkte L.Sonego sátti oınady - 7:6 (7:3).
Ekinshi sette ıtalııalyq sportshy aıqyn basymdylyq kórsetti - 6:2.
Saǵat jarymǵa jýyq ýaqytqa sozylǵan matchta A.Býblık 7 jas jasaǵanymen, 3 breık-poıntyn paıdalana almady. Qarsylasy 6 eıspen birge 2 breıkke qol jetkizdi.
Bul A.Býblıktiń ATP jarystaryndaǵy altynshy fınaly edi. Ol tek bıyl jyl basynda Monpele dodasynda ǵana top jarǵan edi.
Eske sala keteıik, budan buryn A.Býblıktiń Frantsııadaǵy týrnırdiń fınalyna joldama alǵanyn jazǵan bolatynbyz.
