Aleksandr Býblık Elena Rybakınanyń Ýımbldondaǵy jeńisin joǵary baǵalady
ASTANA. QazAqparat – Qazaqstannyń birinshi raketkasy Aleksandr Býblık Elena Rybakınanyń Ýımbldondaǵy jeńisin joǵary baǵalady, dep habarlaıdy QazAqparat tilshisi.
Qazaqstan quramasy sapynda United Cup jarysynda synǵa túsetin Aleksandr Býblık elimizdiń birinshi raketkasy Elena Rybakınanyń Ýımbldondaǵy chempıondyq ónerine qatysty óz pikirin bildirdi.
«Bul elimiz úshin óte mańyzdy. Men Qazaqstanǵa kelgende, onyń tabysy kóptegen balalardyń tennıske kelýine sebepshi bolǵanyn kórdim. Elenamen jáne elimizben maqtanamyn. Bizdiń sport túrine balalar buryn da az kelmeıtin, endi tipti kóbeıe tústi. Bul elimiz jáne ol úshin úlken jetistik», dedi A.Býblık.
Búgin Qazaqstan quramasy Brısbende United Cup komandalyq týrnırinde Shveıtsarııamen alǵashqy matchyn ótkizedi. ıÝlııa Pýtıntseva álemniń 12-raketkasy, Tokıo olımpıadasynyń chempıony, Bıllı Djın Kıng kýboginiń jeńimpazy Belında Benchıchpen, Tımofeı Skatov Mark-Andre Hýslermen kezdesedi. Oıyndar Astana ýaqytymen 15.00-de bastalady.
Eske sala keteıik, budan buryn tennısten Qazaqstan quramasy alǵash ret ótetin United Cup týrnırinde baq synaıtynyn jazǵan bolatynbyz.
Foto: ktf.kz
