Aleksandr Býblık dúnıejúzilik reıtıngide TOP-40-qa jaqyndady

ASTANA. KAZINFORM — Kásibı tennısshiler qaýymdastyǵy (ATP) jańartqan álemdik reıtıngide qazaqstandyq tennısshilerdiń orny belgili boldy.

Rolan Garros týrnırinde sátti óner kórsetip, óz sporttyq jolynda alǵash ret shırek fınalǵa deıin jetken Qazaqstannyń birinshi raketkasy Aleksandr Býblık 62-den birden 43-orynǵa kóterildi. 

Ótken jyly álemdik reıtıngide 17-satyǵa deıin joǵarylaǵan qazaqstandyq tennısshi TOP-40-qa kirýge jaqyn tur.

Taǵy bir qazaqstandyq Aleksandr Shevchenko 103-ten 100-ge shyqsa, Dmıtrıı Popko 164-ten 170-ke, Mıhaıl Kýkýshkın 163-ten 182-ge quldyrady. 

Esesine Tımofeı Skatov 233-ten 214-ke bıiktese, Beıbit Juqaev 230-dan 246-ǵa túsip qaldy.

Juptyq synda Aleksandr Nedovesov 143-ten 158-ge tómendedi.

Eske sala keteıik, budan buryn Anna Danılınanyń álemdik reıtıngide rekordtyq nátıjege qol jetkizgenin jazǵan bolatynbyz.