Aleksandr Býblık Dýbaıda 22 eıs jasap, shırek fınalǵa shyqty

DÝBAI. KAZINFORM – Qazaqstannyń birinshi, álemniń 23-raketkasy Aleksandr Býblık Dýbaı ATP 500 týrnıriniń shırek fınalyna ótti.

Jarystyń 7-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 28-orynda turǵan nıderlandylyq Tallon Grıkspormen synǵa tústi.

Matchtyń tartysty ótkeni sondaı, eki set te taı-breıkpen aıaqtaldy. Onda A.Býblık 7:6 (10:8), 7:6 (7:2) esebimen basymdylyq tanytty.

Eki saǵatqa jýyq ýaqytqa sozylǵan báseke barysynda qazaqstandyq sportshy 22 eıs jasap, 2 breık-poınttyń bireýin paıdalandy. T.Grıkspor 7 eıs, 1 breıkpen (4 breık-poınt) kózge tústi.

Aleksandr Býblık júlde qory 2,9 mln AQSh dollaryna baǵalanǵan dodanyń jartylaı fınalyna shyǵý úshin álemniń 15-raketkasy, reseılik Karen Hachanov nemese reıtıngide 38-satydaǵy chehııalyq Irjı Lehechkanyń bireýimen talasady.

A.Býblık qazirgi kezde ATP Live reıtıngisinde qaıtadan 21-orynǵa kóterilip tur. 

Eske sala keteıik, budan buryn Aleksandr Shevchenkonyń Dýbaıda jarystyń 1-raketkasyna jol bergenin jazǵan edik.