Aleksandr Býblık Dýbaı týrnırin jeńispen bastady
ASTANA. QazAqparat – Qazaqstannyń birinshi, álemniń 46-raketkasy Aleksandr Býblık Dýbaı ATP 500 týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi bastapqy kezdesýin dúnıejúzilik reıtıngte 301-orynda turǵan bolgarııalyq Aleksandr Lazarovpen ótkizdi.
Birinshi partııada A.Býblık aıqyn basymdylyq tanytty – 6:1.
Ekinshi sette esep 0:1 bolǵan mezette bolgarııalyq sportshy básekeni jalǵastyrýdan bas tartty.
Jarty saǵatqa jýyq ýaqytqa sozylǵan matchta A.Býblık 3 eıs jasap, 5 breık-poınttyń úsheýin paıdalanyp úlgerdi.
A.Býblık ekinshi aınalymda álemniń 7-raketkasy, reseılik Danııl Medvedevpen sheberlik baıqasady. Ol reıtıngte 111-oryndaǵy ıtalııalyq Matteo Arnaldıddi joldan taıdyrdy – 6:4, 6:2.
Dýbaı dodasy 4 naýryzda máresine jetedi.
Eske sala keteıik, budan buryn úsh qazaqstandyq tennısshiniń juptyq synda Astanadaǵy týrnırdiń shırek fınalyna shyqqanyn jazǵan bolatynbyz.
