Aleksandr Býblık: Bıylǵy maýsym men úshin eń úzdik boldy

Qazaqstannyń birinshi, álemniń 32-raketkasy Aleksandr Býblık 2023 jylǵy maýsymdaǵy ónerin úzdik dep baǵalaıtynyn aıtty, dep habarlaıdy Kazinform.

Qazaqstandyq tennısshi bıyl eki týrnırde jeńiske jetti.

Aldymen maýsym aıynda Galle (Germanııa) ATP 500 jarysynda fınalda reseılik Andreı Rýblevti utyp, chempıon atandy. Sodan keıin qazanda Antverpen (Belgııa) ATP 250 dodasynda sońǵy básekede frantsııalyq Artýr Fısti jeńdi.

"Shynynda da bul men úshin úzdik maýsym boldy. Osyǵan deıin mundaı tıtýldarǵa ıe bolǵan joqpyn. Onyń ústine reıtıngte bulaı kóterilmep edim. Degenmen jyl boıy qıyndyqtar bolmaı qalǵan joq. Óz oıynymdy tabý qıynǵa soqty. Tek Galle týrnırinde uzaq ýaqyt boıy jattyqqanymnyń jemisin kóre aldym. Turaqty óner kórsettim. Sóıtip óz sporttyq jolymdaǵy úzdik nátıjege qol jetkizdim", - dedi Aleksandr Býblık.

Eske sala keteıik, budan buryn qazaqstandyq jas tennısshilerdiń Túrkııadaǵy týrnırdiń jeńimpazy atanǵanyn jazǵan bolatynbyz.