Aleksandr Býblık Barselona týrnıriniń úshinshi aınalymyna shyǵa almady
NUR-SULTAN. QazAqparat - Qazaqstannyń birinshi, álemniń 33-raketkasy Aleksandr Býblık Barselona ATP 500 týrnıriniń úshinshi aınalymyna shyǵa almady, dep habarlaıdy QazAqparat tilshisi.
Osy jarystyń 16-raketkasy bolyp tirkelgen qazaqstandyq tennısshi dodany ekinshi aınalymnan bastady.
Dúnıejúzilik reıtıngte 73-orynda turǵan fınlıandııalyq Emıl Rýýsývýorı osal tennısshi emestigin birden baıqatty.
Emıl bir saǵatqa jýyq ýaqytqa sozylǵan matchta 6:3, 6:1 esebimen jeńiske jetti. Ol 7 breık-poınttyń tórteýin paıdalansa, Býblıkte ondaı múmkindik bolǵan joq. Qarsylastar eki-ekiden eıs jasady.
Fın tennısshisi júlde qory 2,6 mln eýrodan asatyn dodanyń úshinshi aınalymynda álemniń 7-raketkasy, norvegııalyq Kasper Rýýdpen sheberlik baıqasady.
Eske sala keteıik, budan buryn Qazaqstan jasóspirimder quramasynyń ÁCh irikteý týrnıriniń shırek fınalyna shyqqanyn, Elena Rybakınanyń Shtýtgart jarysyn sátti bastaǵanyn jazǵan bolatynbyz.
Sondaı-aq qazaqstandyq jas tennısshi Eýropa reıtınginde 100 kún boıy kósh bastap keledi.
