Aleksandr Býblık Aýstrııadaǵy jarystyń shırek fınalyna shyqty
ASTANA. KAZINFORM — Qazaqstannyń birinshi, álemniń 11-raketkasy Aleksandr Býblık Kıtsbıýel (Aýstrııa) ATP 250 týrnırin jeńispen bastady.
Jarystyń 1-raketkasy bolyp tirkelip, ekinshi aınalymnan bastaǵan qazaqstandyq tennısshi alǵashqy kezdesýin reıtıngide 108-oryndaǵy argentınalyq Fakýndo Dıas Akostamen ótkizdi.
Birinshi partııada Býblık 6:3 esebimen basymdylyq tanytty. Ol ekinshi sette de sheberliginiń joǵary ekendigin kórsete bildi – 7:5.
Bir saǵat 19 mınýtqa sozylǵan básekede A.Býblık 8 eıspen birge 7 breık-poınttyń ekeýin paıdalandy. Argentınalyq sportshy 1 eıspen shekteldi.
Aleksandr Býblık jartylaı fınalǵa shyǵý úshin álemniń 61-raketkasy, germanııalyq Danıel Altmaıer nemese reıtıngide 81-satydaǵy slovakııalyq Aleks Molchannyń qaı jeńgenimen talasady.
Ótken jyly A.Býblık osy dodada úzdik shyqqan bolatyn. Sondyqtan chempıondyq ataǵy men upaıyn qorǵaı almasa, reıtıngide tómen syrǵýy yqtımal.
Eske sala keteıik, budan buryn Tımofeı Skatovtyń Portýgalııadaǵy týrnırde qarsylasyn kambekpen utqanyn jazǵan edik.
