Aleksandr Býblık Aýstrııadaǵy týrnırde chempıondyq ataǵyn qorǵaı almady
ASTANA. KAZINFORM — Qazaqstannyń birinshi, álemniń 11-raketkasy Aleksandr Býblık Aýstrııanyń Kıtsbıýel qalasyndaǵy ATP 250 týrnıriniń fınalynda óner kórsetti.
Qazaqstandyq tennısshi ótken jyly osy jarysta chempıon atanǵan edi.
Dodanyń 1-raketkasy bolyp tirkelgen A.Býblık fınalda álemdik reıtıngide 83-oryndaǵy frantsııalyq Kenten Alıske tap keldi.
Birinshi partııada frantsııalyq sportshy 6:4 esebimen basym tústi. Ol ekinshi sette de taı-breıkte esesin jibermedi — 7:6 (8:6).
Bir saǵat 33 mınýtqa sozylǵan básekede Býblık 6 eıspen ǵana kózge tústi. Frantsııalyq tennısshi 17 eıs jasap, 6 breık-poınttyń bireýin paıdalandy.
Osylaısha, A.Býblık ótken jylǵy chempıondyq ataǵyn qorǵaı almady. Degenmen fınalǵa deıin jetkeniniń nátıjesinde ATP Live reıtıngisinde 11-ornyn saqtap tur.
Taǵy bir qazaqstandyq tennısshi Jibek Qulambaeva juptyq synda Gambýrg (Germanııa) WTA 250 týrnıriniń fınalynan tys qaldy.
J.Qulambaeva latvııalyq Darıa Semenıstaıamen birge jartylaı fınalda slovenııalyqtar Dalıla ıAkýpovıch — Nıka Radıshıchke jol berdi — 2:6, 1:6.
Eske sala keteıik, budan buryn Jibek Qulambaevanyń Germanııadaǵy týrnırde jarystyń 2-raketkasyn jeńgenin jazǵan edik.
Sondaı-aq Aleksandr Býblık ekinshi jyl qatarynan Aýstrııadaǵy týrnırdiń fınalyna shyqty.
