Aleksandr Býblık ATP reıtıngisinde TOP-50-ge jaqyndady

ASTANA. KAZINFORM — Kásibı tennısshiler qaýymdastyǵy (ATP) jańartqan reıtıngide ózgerister boldy.

Rım masters týrnıriniń fınalyna deıin jetken ıtalııalyq ıAnnık Sınner kóshbasshylyq ornyn saqtap qaldy. 

Rımde úzdik atanǵan ıspanııalyq Karlos Alqaras germanııalyq Aleksandr Zverevti yǵystyryp, ekinshi orynǵa shyqty.

Italııadaǵy Týrın chellendjer týrnırinde jeńimpaz atanǵan Qazaqstannyń birinshi raketkasy Aleksandr Býblık 76-dan 51-orynǵa kóterilip, TOP-50-ge kirýge jaqyn tur. 

A.Býblık álemdik reıtıngidegi eń úzdik kórsetkishine (17) ótken jyly 6 mamyrda jetken edi. 

A.Býblık Gambýrg (Germanııa) ATP 500 týrnıriniń alǵashqy aınalymynda 20 mamyr kúni álemniń 32-raketkasy, 21 jastaǵy frantsııalyq Djovannı Mpetchı Perrıkarmen kezdesedi. 

Álemdik reıtıngide Aleksandr Shevchenko 97-ornynda qalsa, Mıhaıl Kýkýshkın 165-ten 163-ke aýysty. Dmıtrıı Popko 163-ten 164-ke, Tımofeı Skatov 181-den 191-ge, Beıbit Juqaev 220-dan 230-ǵa, Denıs Evseev 257-den 271-ge tómendedi.

Grıgorıı Lomakın 835-ten 819-ǵa, 17 jastaǵy Ámir Omarhanov 956-dan birden 918-ge joǵarylady. 

Eske sala keteıik, budan buryn qazaqstandyq bes tennısshiniń Rolan Garros týrnıriniń irikteý saıysynda baq synaıtynyn jazǵan edik.

Sondaı-aq Zarına Dııas álemdik reıtıngide birden 43-satyǵa joǵarylady.