Aleksandr Býblık álemdik reıtıngte rekord ornatty

ASTANA. KAZINFORM – Kásibı tennısshiler qaýymdastyǵy (ATP) jarııalaǵan reıtıngide Qazaqstannyń 1-raketkasy Aleksandr Býblık rekordtyq kórsetkishke qol jetkizdi.

Qazaqstandyq tennısshi 18-den 17-orynǵa kóterildi. Bul – onyń reıtıngidegi eń úzdik kórsetkishi.

Aleksandr Shevchenko 59-dan 60-qa, Mıhaıl Kýkýshkın 129-dan 134-ke syrǵydy.

Beıbit Juqaev 182-den 174-ke joǵarylady. Bul da onyń jeke rekordy retinde tirkeldi. 
Sondaı-aq Denıs Evseev 184-ten 177-ge, Dmıtrıı Popko 234-ten 223-ke, Tımofeı Skatov 271-den birden 247-ge shyqty.

Úzdik úshtikte burynǵysha serbııalyq Novak Djokovıch, ıtalııalyq ıAnnık Sınner, ıspanııalyq Karlos Alkaras tur.

Juptyq synda Ispanııa ókili Marsel Granolers pen argentınalyq Orasıo Sebalos birinshi oryndy ózara bólisse, aýstralııalyq Mettıý Ebden úshinshi satyda.

Qazaqstandyqtardan Aleksandr Nedovesov 42-orynda qalsa, Andreı Golýbev 88-den 93-ke tómendedi.

Eske sala keteıik, budan buryn Elena Rybakınanyń WTA chempıondyq kestesinde úzdikter qatarynda kele jatqanyn jazǵan bolatynbyz.