Aleksandr Býblık álemdik reıtıngide jeke rekordyna qol jetkizdi

ASTANA. KAZINFORM — Kásibı tennısshiler qaýymdastyǵy (ATP) jekeleı jáne juptyq synda jańartylǵan reıtıngini jarııa etti.

Alǵash ret Parıj masters týrnıriniń jartylaı fınalyna deıin jetken Aleksandr Býblık álemdik reıtıngide 16-dan 13-orynǵa kóterildi. Bul onyń sporttyq jolyndaǵy jeke rekordy bolyp esepteledi.

Taǵy bir qazaqstandyq Aleksandr Shevchenko 99-dan 97-ge aýysty.

Parıj masters jarysynyń fınalynda kanadalyq Felıks Oje-Alıassımdi utqan ıtalııalyq ıAnnık Sınner ıspanııalyq Karlos Alkarasty yǵystyryp, qaıtadan kósh bastady. Germanııalyq Aleksandr Zverev úshinshi satyda.

A.Býblık osy aptada Metts (Frantsııa) ATR 250 týrnırinde óner kórsetedi. Munda úshinshi raketka bolyp tirkelgen ol jarysty ekinshi aınalymnan bastaıdy.

Dodanyń 1-raketkasy, kanadalyq F.Oje-Alıassım densaýlyǵyna baılanysty Metts týrnırinde oınaýdan bas tartty. Qazirgi kezde ATR chempıondyq kestesinde 8-orynda turǵan kanadalyq sportshy – Italııanyń Týrın qalasynda ótetin jyldyń qorytyndy týrnırine barýdan úmitkerlerdiń biri. Alaıda 9-satydaǵy ıtalııalyq Lorentso Mýzettı Afıny (Grekııa) jarysynda jeńimpaz atansa, Oje-Alıassımdi yǵystyryp, Týrınge joldama alady.

Áıelder tennısi qaýymdastyǵynyń (WTA) reıtıngisinde Elena Rybakına 6-ornyn saqtap qalsa, ıÝlııa Pýtıntseva 75-ten 73-ke aýysty.

Juptyq synda Anna Danılına burynǵysha 13-satyda tursa, ıÝ.Pýtıntseva 104-ten 105-ke tómendedi. Jibek Qulambaeva 134-ten 132-ge shyqty.

Búgin E.Rybakına Er-Rııad qalasynda ótip jatqan jyldyń qorytyndy týrnırinde álemniń 2-raketkasy, Polsha ókili Iga Shventekpen sheberlik baıqasady.

Eske sala keteıik, budan buryn WTA qorytyndy týrnırinde Elena Rybakınanyń álemniń 4-raketkasyn oısyrata jeńgenin jazǵan edik.

Aleksandr Býblık Parıj masters týrnıriniń fınalynan tys qaldy.