Aleksandr Býblık álemdik reıtıngide úzdik kórsetkishin qaıtalady
ASTANA. KAZINFORM — Kásibı tennısshiler qaýymdastyǵy (ATP) jarııa etken álemdik reıtıngide qazaqstandyq sportshylardyń oryndary anyqtaldy.
Qazaqstannyń birinshi raketkasy Aleksandr Býblık 11-den 10-satyǵa kóterilip, óziniń úzdik kórsetkishin qaıtalady.
Qazaqstandyq tennısshi osy aptada Jeneva (Shveıtsarııa) ATP 250 týrnırinde óner kórsetedi. A.Býblıktiń bul jarysqa ótken jyly qatyspaǵanyn eskersek, sáttilik serik bolǵan jaǵdaıda upaı qoryn tolyqtyratyndaı múmkindigi bar.
Qazaqstannyń ekinshi raketkasy Aleksandr Shevchenko 85-ten 89-ǵa, al Tımofeı Skatov 188-den 191-ge, Beıbit Juqaev 297-den 298-ge, Mıhaıl Kýkýshkın 281-den 300-ge tómendedi.
T.Skatov osy aptada Rolan Garros týrnıriniń irikteý saıysynda baq synaıdy. Ol Frantsııa ashyq birinshiligi irikteý jarysynyń shırek fınalynda álemniń 143-raketkasy, danııalyq Elmer Mellermen kezdesedi.
Eske sala keteıik, budan buryn Aleksandr Býblıktiń Jeneva jarysynda baq synaıtynyn jazǵan edik.
Anna Danılına álemdik reıtıngide TOP-5-ke qaıta kirdi.
