Aleksandr Býblık álemdik reıtıngide TOP-30-ǵa jaqyndady

Kásibı tennısshiler qaýymdastyǵy (ATP) jańartylǵan reıtıngini jarııa etti, dep habarlaıdy Kazinform.

Qazaqstannyń birinshi raketkasy Aleksandr Býblık 32-den 31-ge kóterilip, úzdik 30 tennısshiniń qataryna enýge jaqyn qaldy. Ótken jyly qazaqstandyq tennısshi 25-orynǵa deıin kóterilgen bolatyn.

Býblık búgin bastalǵan Adelaıde (Aýstralııa) ATP 250 týrnıriniń 8-raketkasy bolyp tirkelgen. Onyń jańa jyldaǵy alǵashqy qarsylasy irikteý saıystarynan ótken tennısshilerdiń biri bolmaq.

Denıs Evseev 190-nan 184-ke taban tirep, Qazaqstannyń ekinshi raketkasy atandy. Beıbit Juqaev 188-orynǵa turaqtasa, Tımofeı Skatov 222-den 228-ge tómen syrǵydy. 

Bul úsh oıynshy Aýstralııa ashyq chempıonatynyń irikteý saıystarynda 9 qańtardan bastap baq synaıdy.

Juptyq syn reıtingisinde Aleksandr Nedovesov 45-ten 46-ǵa, Andreı Golýbev 61-den 62-ge syrǵydy. 

Eske sala keteıik, budan buryn WTA-nyń jańartylǵan reıtınginde Elena Rybakınanyń 3, Anna Danılınanyń 44-orynǵa kóterilgenin jazǵan bolatynbyz.