Aleksandr Býblık álemdik reıtıngide TOP-25-ke jaqyndady

Kásibı tennısshiler qaýymdastyǵy (ATP) jańartylǵan reıtıngisin jarııa etti, dep habarlaıdy Kazinform.

Qazaqstannyń birinshi raketkasy Aleksandr Býblık 31-den 27-satyǵa kóterildi.

Qazaqstandyq tennısshi óziniń ótken jylǵy úzdik kórsetkishine (25) jaqyndady.

Denıs Evseev 184-ornynda qalsa, Beıbit Juqaev 188-den 193-ke syrǵydy.

Tımofeı Skatov 228-den 227-ge, Argentınadaǵy Býenos-Aıres týrnıriniń fınalyna deıin jetken Dmıtrıı Popko 417-den 358-ge jetti. Mıhaıl Kýkýshkın 262-orynda.

Qazaqstannyń juptyq syndaǵy birinshi raketkasy Aleksandr Nedovesov 46-dan 44-ke joǵarylasa, Andreı Golýbevtiń jaǵdaıy burynǵysha (64).

Áıelder tennısi qaýymdastyǵynyń (WTA) reıtıngisinde Qazaqstannyń kóshbasshy tennısshisi Elena Rybakına úzdik úshtikte, ıÝlııa Pýtıntseva 64-satyda.

Juptyq synda Anna Danılına 44-orynda qalsa, Jibek Qulambaeva 144-ten 141-ge kóterildi.
Aýstralııa ashyq chempıonatynda búgin qazaqstandyqtardan alǵashqy bolyp ıÝlııa Pýtıntseva kortqa shyǵady. Ol reseılik, álemniń 190-raketkasy Anastasııa Zaharovadan ótýge tyrysyp kóredi.

Eske sala keteıik, budan buryn Aýstralııa ashyq chempıonatynda qazaqstandyq tennısshilerdiń qarsylastary kimder ekendigin jazǵan bolatynbyz.

Dmıtrıı Popko Argentınadaǵy jarystyń fınalynda jeńilip qaldy.