Aleksandr Býblık álemdik reıtıngte joǵary kóterildi
Kásibı tennısshiler qaýymdastyǵy (ATP) jańartqan reıtıngte A.Býblık 50-den 46-orynǵa shyqty.
Taǵy bir qazaqstandyq Tımofeı Skatov 129-dan 134-ke syrǵydy.
Serbııalyq Novak Djokovıch burynǵysha kósh bastasa, ıspanııalyq Karlos Alkaras ekinshi, grekııalyq Stefanos Tsıtsıpas úshinshi satyda.
Juptyq synda Andreı Golýbev 44-ten 51-ge, A.Býblık 164-ten 181-ge tómendese, Aleksandr Nedovesov 68-ornynda qaldy.
A.Býblık osy aptada Dýbaı ATP 500 týrnırinde óner kórsetedi. Ol erteń alǵashqy aınalymda reıtıngte 301-oryndaǵy bolgarııalyq Aleksandr Lazarovpen kezdesedi.
Áıelder arasynda Qazaqstannyń birinshi raketkasy Elena Rybakına WTA reıtıngisinde 10-ornyn saqtap qalsa, ıÝlııa Pýtıntseva 46-satyda tur.
Úzdik úshtikte ózgeris joq: Polsha ókili Iga Shventek, belorýssııalyq Arına Sobolenko, amerıkalyq Djessıka Pegýla top bastaýda.
Juptyq synda Anna Danılına 25-ten 26-ǵa aýyssa, esesine E.Rybakına 114-ten 97-ge bir shyǵyp, TOP-100-ge kirdi.
Eske sala keteıik, budan buryn qazaqstandyq jas tennısshiniń Túrkııadaǵy týrnırdiń chempıony atanǵanyn jazǵan bolatynbyz.
Sondaı-aq elordadaǵy halyqaralyq týrnırdiń irikteý saıysynda 5 qazaqstandyq tennısshi oınaıdy.
