Aleksandr Býblık álemdik reıtıngte kóterildi
NUR-SULTAN. QazAqparat – Qazaqstannyń birinshi raketkasy Aleksandr Býblık reıtıngte úzdik elýlikke jaqyndady, dep habarlaıdy QazAqparat tilshisi.
A.Býblık búgin jańartylǵan reıtıngte 57-den 54-orynǵa kóterildi.
Taǵy bir qazaqstandyq Mıhaıl Kýkýshkın 60-tan 57-ge joǵarylady.
Dmıtrıı Popko 209, Aleksandr Nedovesov 212-satyda tur.
Áıelder arasynda Qazaqstannyń birinshi raketkasy ıÝlııa Pýtıntseva 36-ynshy, Elena Rybakına 43-inshi, Zarına Dııas 79-orynda keledi.
Eske sala keteıik, budan buryn A.Býblıktiń Shanhaıda negizgi týrnırge joldama alǵanyn jazǵan bolatynbyz.
Qazaqstandyq tennısshi alǵashqy aınalymda álemniń 19-raketkasy, kanadalyq Felıks Oje-Alıassımmen kezdesedi. Al M.Kýkýshkın búgin reıtıngte 50-oryndaǵy serbııalyq Mıomır Ketsmanovıchpen oınaıdy.
Áıelder arasynda ıÝ.Pýtıntseva Qytaıdaǵy Tıantszın týrnırinde (júlde qory – 500 myń AQSh dollary) reıtıngte 95-oryndaǵy aýstralııalyq Astra Sharmamen sheberlik baıqasýda.
E.Rybakına Aýstrııadaǵy Lınts dodasynda baq synaıdy. Ol irikteý saıystary jeńimpazdarynyń birimen kortqa shyǵady.
Z.Dııas Instragramdaǵy óziniń paraqshasynda bıylǵy maýsymdy aıaqtaǵanyn, aldaǵy jyldan úmit kútetinin málim etti.
