Aleksandr Býblık álemdegi úzdik 50 tennısshiniń qataryna kirdi
NUR-SULTAN. QazAqparat – Qazaqstandyq Aleksandr Býblık álemdegi úzdik 50 tennısshiniń qataryna kirdi, dep habarlaıdy QazAqparat tilshisi.
Ótken aptada Gambýrg týrnıriniń shırek fınalyna deıin jetken A.Býblık kásibı tennısshiler qaýymdastyǵynyń (ATP) jańartylǵan reıtıngisinde 56-dan 49-orynǵa kóterildi.
Osylaısha ol úzdik elý tennısshiniń qataryna qaıta oraldy. A.Býblık bıylǵy aqpanda 47-orynǵa kóterilgen bolatyn.
Mıhaıl Kýkýshkın 87-den 88-ge, Dmıtrıı Popko 170-ten 171-ge syrǵydy.
Úzdik úshtikte burynǵysha serbııalyq Novak Djokovıch, ıspanııalyq Rafael Nadal, aýstrııalyq Domınık Tım keledi.
Áıelder arasynda (WTA) da burynǵysha aýstralııalyq Eshlı Bartı kósh bastasa, rýmynııalyq Sımona Halep pen japonııalyq Naomı Osaka ekinshi, úshinshi orynda tur.
Qazaqstandyqtardan Elena Rybakına 18-inshi, ıÝlııa Pýtıntseva 27-ornynda qalsa, Zarına Dııas 76-dan 77-ge tómendedi.
Búgin Parıjde ótip jatqan Rolan Garros týrnırinde A.Býblık frantsııalyq Gael Monfıspen, M.Kýkýshkın ıtalııalyq Fabıo Fonınımen kortqa shyǵady.
Eske sala keteıik, budan buryn ıÝ.Pýtıntsevanyń Rolan Garros týrnırin jeńispen bastaǵanyn jazǵan bolatynbyz.
